Хаця аршанскі вакзал прымае за дзень некалькі тысяч чалавек, перакусіць там да гэтае пары праблематычна - далёка не ўсім падабаюцца ОРСаўскія белашы з чабурэкамі. Кавярні побач з вакзалам пазакрываліся, а рэстаран на самім вакзале ўжо не зразумела працуе ці не. Таму з'яўленне любога новага фаст-фуда ў тым раёне сапраўдная падзея.
Новы шапік фаст-фуда адчыніўся цяпер на прывакзальнай плошчы. Трэк-кухня знаходзіцца каля крамы, якая хаця і страціла афіцыйна сваю назву, але ў народзе так і празываецца "Чыгуначнікам". Асноўны тавар гэтага новага шапіка - стаўшая можнай у Оршы шаурма, якую гатуюць проста на месцы пры вас.
