Помнік Пятру Першаму планавалі адкрыць у суседнім Горацкім раёне не далёка ад мясцовага выканкаму. Такім чынам чыноўнікі гатовы былі адзначыць тое, што расейскі цар пабываў у Горках пад час Паўночнай вайны
Але знаходжанне Пятра Першага на тэрыторыі Беларусі гэта сумная старонка гісторыі нашай краіны. Па загадзе Пятра Першага былі спалены разам з замкамі Орша, Мсціслаў, Дуброўна, Віцебск і Магілёў. Былі знішчаны замкі ў Смалянах, Шклове і Копысі, Гомелі, Быхаве. А ў Полацку цар уласнаручна забіў у Сафійскім саборы манахаў. У самой Сафіі размесцілі парахавы склад, які выбухнуўшы знішчыў старажытны храм.
Помнік павінен быў быць адчынены ў чарговую гадавіну вызвалення Горак ад нямецка-фашысцкіх акупантаў, пра што грамадскасць выпадкова даведалася з афішы мерапрыемстваў і гэта выклікала вялікі рэзананс у СМІ. У выніку аблвыканкам забараніў ставіць помнік з фармулёўкай, што той не прайшоў патрэбных бюракратычных працэдураў.
