Суд Аршанскага раёна і Воршы прысудзіў кіроўцу пазадарожніка, які ў жніўні мінулага года сутыкнуўся ў Аршанскім раёне з «Газэллю», да шасці гадоў пазбаўлення волі ў папраўчай калоніі ва ўмовах агульнага рэжыму з пазбаўленнем права займацца дзейнасцю, звязанай з кіраваннем транспартнымі сродкамі, тэрмінам на пяць гадоў.

Нагадваем, аварыя адбылася раніцай 1 жніўня 2018 года. З боку Магілёва па трасе М8 рухаўся аўтамабіль Toyota Land Cruiser пад кіраўніцтвам 41-гадовага жыхара Бабруйска. У раёне 175-га км аўтадарогі грузавая «Газэль», якая належала адной з гандлёвых арганізацый Магілёва, пачала разгортвацца на трасе. У момант, калі машына стала перпендыкулярна праезнай часткі, у раён паліўнага бака ўрэзалася Toyota, абедзве машыны загарэліся. У выніку ДТЗ адна пасажырка «газэлі» ад атрыманых траўмаў памерла на месцы. Кіроўцу і другую пасажырку шпіталізавалі з сур’ёзнымі тэрмічнымі апёкамі. Ад атрыманых траўмаў мужчына памёр на другія суткі, жанчына — праз сем дзён. Кіроўцу і двум пасажырам Toyota Land Cruiser шпіталізацыя не спатрэбілася. Эксперты ўстанавілі, што кіроўца пазадарожніка ехаў з хуткасцю 128,3 км/г пры дазволенай 90. Перад аварыяй ён неабгрунтавана змяніў траекторыю руху і выехаў на сустрэчную паласу. Прысуд уступіў у законную сілу.