Надвор'е працягвае быць засушлівым. Ападкаў ужо даўно няма. Гэта ўжо прывяло да забароны наведваць лясы, але не толькі лясам шкодзіць такое надвор'е. Узровень рэкаў на Аршаншчыне падае ўжо месяц. Падзенне Дняпра, у прыватнасці, - менавіта па Дняпры замяраецца вада - пачалося яшчэ 28 сакавіка. Але 28 сакавіка галоўная рака Оршы ўпала ўсяго на 1 сантыметар. Пасля гэтага вада падала на 2-3 сантыметры кожны дзень. А з 21 красавіка Днепр пачаў падаць значна больш. У гэты дзень рака ўпалана 7 сантыметраў. 23 чысла таго ж месяцу ўпада яшчэ на 9 сантыметраў. З 25 красавіка тэмп падзення перайшоў на ўзровень больш за 10 сантыметраў у дзень. 25-га красавіка вада ўпала на 11 сантыметраў, на столькі ж 26-га чысла, а раніцай 27-га ўжо зафіксаванае падзенне на 12 сантыметраў.
Падзенне ўзроўні ракі і ў Дняпры і ў Аршыцы бачныя кожнаму ўжо і без дадзеных метэаролагаў. І падзенне, бачна, будзе працягвацца. Сіноптыкі прагназуюць і далей даволі сухое надвор'е ў нашым рэгіёне за выключэннем суботы 27 красавіка - у гэты дзень дождж чакаецца вечарам.
