Зводка МНС паведамляе пра тры пажары якія ў выходныя дні адбыліся ў Аршанскім і суседніх раёнах. Першы пажар здарыўся ў вёсцы Загароддзе Талачынскага раёна. Тут загарэўся жылы дом. У выніку пажару пацярпеў не толькі дом, але вагонь перакінуўся і на пабудовы ў двары. Таксама згарэў легкавы аўтамабіль, які знаходзіўся ў двары. Пацярпеў і гаспадар дому. Мужчына 1963 года нараджэння дастаўлены ў бальніцу з апёкамі. Гэты пажар адбыўся раніцай, а вечарам таго ж дня пажар здарыўся у Лёзненскім раёне.
Тут у адным з садаводчаскіх таварыстваў загарэлася лецішча. Дачны домік атрымаў значныя пашкоджанні. Галоўная разглядаемая версія прычыны абодвух пажараў - неасцярожнасць гаспадароў у дачыненні вагню.
Яшчэ адзін аўтамабіль згарэў па вуліцы Цэнтральнай у вёсцы Зубава. Гэты пажар адбыўся ў ноч з 24 на 25 сакавіка. Загарэўся легкавы аўтамабіль Фольксаваген Пасат. Загарэўся ён з-за замыкання электраправодкі.
