Змены тычацца перш за ўсё спіса так званых патэнцыйна небяспечных сабакаў, якія жывуць у гарадскіх умовах. Гаспадарам такіх жывёлаў і раней даводзілася плаціць падатак у памеры 0,6 базавых велічыняў. Цяпер дэпутаты павялічы гэты падатак да 1,5 базавай велічыні - на дадзены момант 38,25 рублёў. У спіс патэнцыйна небяспечных сабакаў уваходзіць агулам 40 пародаў сабакаў. Сярод іх некалькі пародаў масціфаў, некалькі аўчарак (у тым ліку і Нямецкая аўчарка) ды іншыя.
Таксама рашэнне дэпутатаў прадугледжвае адмену дыферэнцыяцыі сумы падатку ў залежнасці ад вышыні сабакі. Цяпер за любога сабаку акрамя патэнцыйна небяспечных плаціць давядзецца 0,3 базавыя велічыні - 7,65 рублёў.
