Пошукі пенсіянера распачаліся яшчэ 25 кастрычніка, калі дачка 65-гадовага мужчыны паведаміла ў міліцыю, што бацька сыйшоў 5 дзён таму з дома і ўсё яшчэ не вярнуўся.
Пра далейшыя падзеі паведамляе Следчы камітэт, які пазней далучыўся да расследвання справы знікнення пенсіянера. Высветлілася, што яго ў перыяд з 20 па 23 кастрычніка ў адной з вёсак раёна забілі два рэцыдывісты 54-гадовы і 45-гадовы мужчыны. Само ж цела пенсіянера знайшлі ў лесе - туды яго вывезлі забойцы - толькі ў канцы снежня.
Зараз падазраваныя ў забойстве арыштаваныя, праводзіцца шэраг экспертызаў.
