На Аршаншчыну ідзе пацяпленне. Калі яшчэ ўчора - у панядзелак 28 студзеня - днём тэмпература апускалася да мінус 13, то днём 29-га сіноптыкі Белгідраметцэнтру прагназуюць істотнае пацяпленне. Раніцай абяццаюць да -4, а днём ужо нулявую тэмпературу. Далей на працягу тыдня тэмпература будзе заставацца адносна цёплай. У сераду мінімальная тэмпература мінус 5 вечарам, а днём яна будзе вагацца каля 0. У чацьвер тэмпература будзе вагацца ад мінус 4 (ноччу) да +2 днём. Выходныя таксама прагназуюцца цёплымі да +2.
З-за перападу тэмпературы ад мінуса да плюса на працягу адных сутак, на дарогах стане слізка, што пагоршыць аварыйную абстаноўку. Да гэтага яшчэ дададуцца ападкі. Мокры снег і магчымы дождж прагназуюцца кожны дзень за выключэннем серады.
