Штогод упраўленне чыгункі ў Оршы ўсталёўвала каля галоўнага ўваходу ў Дом культуры чыгуначнікаў святочную ялінку. Традыцыі следуюць і сёлета, аднак цяпер за спінай помніка Кіраву стаіць не пухнатая ялінка, а дрэўца з рэдкімі лапкамі. На яе ўжо ўскінулі яркую ілюмінацыю, і ўжо неўзабаве яна пачне свяціцца і кожны вечар радаваць жыхароў чыгуначнага раёну. Аднак усё ж ялінцы дастаецца за знешні выгляд. Многія аршанцы ў сацыяльных сетках адзначаюць, што на ДКЧ ялінка заўсёды была шыкоўнай і часта нават лепшай за тую, якую ставілі ў цэнтры горада. Аднак сёлета ўсё не так. Хтосьці тлумачыць гэта эканоміяй з боку чыгункі, хтосьці няправільнай транспарціроўкай ялінкі. Мы пакінем фотафакт, а судзіць ужо нашым чытачам.
У той жа час навагоднюю прыгажуню рыхтуюцца ўсталяваць і ў Лёзне, але і там сустракаецца крытыка. Не паспелі яшчэ каркас ялінкі "абрасці" лапкамі, як у сацыяльных сетках мясцовыя жыхары пачалі адзначаць, што раней ялінку было відаць з многіх раёнаў Лёзны, а цяпер яна будзе менш заўважнай.
