Здарэнне адбылося яшчэ вечарам 6 верасня ў Талачыне. У 44-гадовай жанчыны захварэла 4-гадовая дачка. Пад вечар жанчына вырашыла памерыць дзіцёнку тэмпературу для чаго ў доме быў стары ртутны градуснік. Пакуль малая мерыла тэмпературу, жанчына адбегла па сваіх справах. А калі вярнулася, пабачыла, што градуснік паламала. Як любая маці, жанчына адразу падумала пра горшае, што дачка магла адкусіць градуснік.
Хуткая дапамога завезла дзіцё ў бальніцу дзе выявілася, што ні ртуці, ні шкла ў страўніку малой няма. Тым не меньш, дзіцёнка шпіталізавалі ў сувязі з прастудай з-за якой і давялося мерыць тэмпературу.
Цяпер медыкі займаюцца дзяўчынкай, а яе мамай займаюцца следчыя следчага камітэту, якія правяраюць абставіны здарэння.
