Сайт abw.by распавёў новыя падрабязнасці пра аварыю, якая адбылася 1 жніўня на трасе Е95 (М8). Тады аўтамабіль Лэнд Крузэр урэзаўся ў грузавую ГАЗэль. Ад чаго тая ўспыхнула і ў кабіне згарэла жанчына. Яшчэ адна пасажырка і кіроўца грузавіка атрымалі апёкі.
На наступны дзень кіроўца грузавіка памёр у рэанімацыі. Як паведамляе названы аўтамабільны сайт, у мужчыны былі апёкі 4-ай ступені 100% цела. З такімі апёкамі шанцаў на выжыванне практычна няма. Пры гэтым ДАІ вінаваціць менавіта гэтага кіроўцу ў аварыі. Дарэчы, з 2007 года ён прыцягваўся да адказнасці за парушэнні правілаў дарожнага руху 28 разоў. Кіроўца легкавушкі таксама ў гэтым плане не святы - ён з 2010 года прыцягваўся да адказнасці 60 разоў.
Усе хто знаходзіліся ў ГАЗэлі працавалі ў магілёўскай фірме "Магатэкс". Тая жанчына, якая памерла была прадавачкай. Пакуль з трох чалавек, што былі ў грузавіку жывой застаецца 20-гадовая пасажырка. Яна таксама атрымала моцныя апёкі і ляжыць у рэанімацыі. Сітуацыя ўскладняецца тым, што яна яшчэ і цяжарная на 20 ці 21 тыдні цяжаранасці. У яе абпалена 80-85 працэнтаў цела.
