Найвышэйшая судовая інстанцыя адмяніла апраўдальны прысуд у дачыненні да жыхаркі Оршы, якая з асаблівай жорсткасцю забіла ўласнага бацьку. Паводле інфармацыі Вярхоўнага суда, забойства адбылося яшчэ 10 лютага 2017 года. Як вынікае з матэрыялаў крымінальнай справы, 42-гадовая жанчына нанесла бацьку не менш за 50 удараў, у тым ліку і вострым металічным прадметам. Мужчына памёр на месцы ад болевага шоку і багатай страты крыві. Аднак Віцебскі абласны суд апраўдаў фігурантку справы, палічыўшы доказы недастатковымі.
Па апеляцыі дзяржаўнага абвінаваўцы Вярхоўны Суд перагледзеў справу і адмяніў папярэдні прысуд і прызнаў жыхарку Оршы вінаватай у здзяйсненні наўмыснага забойства з асаблівай жорсткасцю. Вердыкт суда - 12 гадоў калоніі агульнага рэжыму.
