Следчы камітэт скончыў раследванне аварыі, якая адбылася яшчэ 18 студзеня каля вёскі Купёлка. Нагадаем, што тады ў аварыю патрапіў мікрааўтобус і легкавы аўтамабіль у выніку чаго пацярпела 5 чалавек. Прычым, па інфармацыі якая патрапіла пазней у СМІ ў мікрааўтобусе людзі ехалі з Магілёва ў Віцебск, каб зняць порчу. Тыя вынікі следства, якія апублікаваныя на сайце СК гавораць пра віну кіроўцы мікрааўтобуса. 56-гадовы магілёўчанін вёз у салоне Фольксвагена людзей, трое з якіх не былі прышпіленыя рамянямі бяспекі. То бок, кіроўца не забяспечыў бяспеку сваіх пасажыраў, акрамя таго, не ўлічыў асаблівасці дарогі, праявіў няўважлівасць да дарожнай абстаноўкі і г.д. Але галоўнае за што могуць пакараць кіроўцу - шыны. Астатачны памер малюнка пратэктара не адпавядаў зімовым правілам руху. Канкрэтна два заднія колы мелі: левы 2,7 міліметраў малюнка, а правы 1,8 міліметраў.
Справа накіравана ў пракуратуру, кіроўца пад падпіскай аб нявыездзе.
