Мастачка Таццяна Тур сваё дзяцінства правяла ў Оршы. Пазней навучалася мастацтву ў Ерусаліме, а па абмене працягнула сваё навучанне ў Вільне ў мясцовай акадэміі мастацтва. Раней яна ўжо рабіла персанальную выставу карцінаў у Ізраіле. Але ў Літве захапілася вырабамі са шкла. Менавіта шкляныя вырабы і зацікавілі публіку суседняй краіны. У траўні ў цэнтры літоўскай сталіцы адкрылася арыгінальная вулічная выстава. Гэта шкляны куб унутры якога знаходзяцца вырабы са шкла студэнтаў з розных краінаў свету. Знайшлося месца ў кубе і для прадстаўніцы Беларусі Таццяны Тур.
Фота Радыё Рацыя.
