Раніца 23-га красавіка ў міліцыю звярнуўся настаяцель адной з аршанскіх цэркваў, які паведаміў, што нехта сярод ночы камянём разбіў вакно ў храме і залез у яго, а там выкраў з сейфа грошы. Была скрадзена сума каля 1000 рублёў.
Па падазрэнні ў здзяйсненні злычынства ў адным з пунктаў харчавання затрымалі бамжа 1985 года нараджэння. Ён рэзка, як кажуць, «падняўся», стаў ездзіць на таксі, смачна есці і піць, траціць грошы ў крамах. І нават замовіў месца ў гатэлі, як паведамляе УУС Віцебскага аблвыканкама. Высветлілася, што якраз незадоўга да крадзяжу ён стаў актыўна наведваць царкву, верагодна, не каб памаліцца, а каб зразумець, дзе захоўваюцца царкоўныя грошы. Цяпер супраць мужчыны пачата крымінальная справа.
