На дарозе М1 спынілі рух грузавой машыны маркі "ДАФ", у якой, як падазравалі супрацоўнікі аператыўна-пошукавага аддзелу Віцебскай мытні, знаходзіўся незарэгістраваны тавар. Разам у аперацыі прымалі ўдзел і супрацоўнікі Аператыўнай мытні. Фура накіроўвалася ў Расею. У ёй у грузавым адсеку аказаліся ачышчаныя грэцкія арэхі, агульная вага якіх склала 21 тону. Пры гэтым суправаджальныя дакументы былі несапраўднымі, а на ўпакоўках тавару былі пераклееныя маркіроўкі, каб схаваць краіну паходжання арэхаў.
Кошт тавару складаў 580 тысяч рублёў. Віцебская мытня пачала адміністратыўны працэс па частцы 4 артыкулу 12.17 Адміністратыўна-працэсуальнага кодэксу Рэспублікі Беларусь.
