У раённае аддзяленне міліцыі паступіла інфармацыя пра крадзеж мабільнага тэлефона "Самсунг". Майстар 1974 года нараджэння звярнулася ў міліцыю 22-га лістапада, пры гэтым крадзеж мабільніка адбыўся яшчэ 2-га лістапада. А пра крадзеж стала вядома толькі цяпер, пасля міліцэйскай зводкі. 2-га лістапада з 10:30 да 11:45 жанчына пакінула свой "Самсунг" без догляду, і гэтым скарыстаўся невядомы. Яго шукаюць. Пачата крымінальная справа па частцы 1 артыкулу 205 Крымінальнага кодэксу РБ. Матэрыяльная шкода складае 112 рублёў.
Нягледзячы на новыя тэхнічныя магчымасці міліцыі, злачынцы па-ранейшаму, хоць і не так актыўна як раней, крадуць мабільныя прыстасаванні. Напрыклад, у Сенненскім раёне ў тым жа лістападзе скралі мабільны тэлефон "Prestigio". Праўда, у тым выпадку знайсці падазраванага ўдалося па гарачых слядах.
