Правы чалавека - вельмі шырокая сфера і не заўсёды яна супадае выключна са сферай юрыдычнай. Бывае і такое, што тыя пытанні якія не могуць вырашыць прафесійныя юрысты, вырашаюць аматары праваабаронцы. Публічная юрыдычная прыёмная ўжо працавала ў Оршы, праваабаронцы тады дапамаглі рознымі спосабамі дзесяткам людзей. Але прыблізна два гады таму прыёмная спыніла работу па суб'ектыўных прычынах - цяжкае захворванне яе кіраўніка Васіля Леўчанкава.
З 1 снежня прыёмная аднаўляе сваю работу і атрымаць кансультацыю ў сферы правоў чалавека там можа кожны. Прыёмная будзе працаваць на офісе АМГА "Звяз" па адрасе: вул. Леніна, д. 54, кв. 245-а па аўторках і чацьвяргах з 17-00 да 19-00. Каб дамовіцца на прыём загадзя лепш пазваніць па тэлефону +375-29-7119545.
