Машына стаяла ў адным з Віцебскіх двароў па вуліцы Пятруся Броўкі. Аўто даўно не працавала і таму стаяла амаль без нагляду - уладальнік рэдка прыходзіў правяраць сваё БМВ. Гэта было заўважана суседзямі і адным аршанцам, які прыехаў да свайго сябра. Аказалася, што аўтамабіль які сябрам падаўся нічыйным, быў той жа самай мадэлі, што і ў аршанца. Выкліканы эвакуатар перагнаў БМВ з Віцебскага двара шматпавярхоўкі ў прыватны двор у адну з вёсак Аршанскага раёна, дзе жыла маці ініцыятара крадзяжу. За той час які прайшоў ад моманту крадзяжу да таго пакуль уладальнік заўважыў знікненне, пакуль міліцыя выйшла на след вора, мужчына ўжо паспеў зняць з аўтамабіля некаторыя запчасткі і склаў іх ва ўласным гаражы. Заведзена крымінальная справа па артыкуле "крадзёж".
Паводле інфармацыі УУС
