Orsha.eu на мінулым тыдні пісаў пра здарэнне, што адбылося ўвечары 16-га кастрычніка на дарозе Орша - Шклоў. У вёсцы Ліпкі аўтамабіль "Фольксваген-Пасат" пераехаў мужчыну, які ляжаў на праезнай частцы. Аварыя адбылася ўжо ў цёмны час сутак. Мужчыну даставілі ў рэанімацыю. Прычым да таго, як на яго наехала машына, ён яшчэ адзін раз падаў на асфальт, але тады яго падняла жанчына.
39-гадовы пацярпелы аказаўся жыхаром вёскі Вялікі Межнік. Кіроўца са Шклова наехаў на яго, бо той ляжаў на праезнай частцы і не быў пазначаны светлаадбівальнымі элементамі. Траўмы, атрыманыя нецвярозым грамадзянінам, аказаліся несумяшчальнымі з жыццём. Мужчына памёр у бальніцы.
