Вестка пра знікненне 52-гадовага мужчыны паступіла ў міліцыю 5-га кастрычніка. Ён вярнуўся з заробкаў у Расеі і папярэдзіў сваячку пра сустрэчу. Аднак так і прыйшоў да яе. Спачатку жанчына падумала, што віной усяму - праблемы мужчыны з алкаголем, гэта здаралася раней. Аднак адсутнасць мужчыны цягнулася, і тады жанчына вырашыла звярнуцца ў міліцыю. Супрацоўнікі крымінальнага вышуку Аршанскага РАУС апыталі сваякоў і знаёмых мужчыны, здзейснілі пакватэрны абыход па месцы жыхарства, прагледзелі запісы камер відэаназірання. Усе версіі знікнення мужчыны даследваліся і правяраліся.

Сумесна з супрацоўнікамі ўпраўлення крымінальнага вышуку УУС Віцебскага аблвыканкама аператыўнікі зрабілі выснову, што асноўная версія знікнення мае крымінальны характар, бо ў мужчыны пры сабе маглі знаходзіцца значная сума грошай і ювелірныя вырабы.

У выніку правядзення комплексу аператыўна-вышуковых мерапрыемстваў на адных з вясковых могілак Аршанскага раёна быў знойдзены схаваны труп зніклага, а таксама выяўлены шэраг грамадзян, з якімі мужчына размаўляў пасля прыезду з Расеі, і маршрут яго перамяшчэння. Больш дэталёвая прапрацоўка інфармацыі дазволіла акрэсліць кола асоб, якія ўвайшлі ў спіс падазраваных у забойстве.

На дадзены момант сумесна з Упраўленнем Следчага камітэту па Віцебскай вобласці праводзяцца неабходныя следчыя дзеянні па зборы і замацаванні доказнай базы, а таксама высвятленні ўсіх абставін — дзе, калі і якім спосабам было здзейснена злачынства.