Мурал - від манументальнага жывапісу, калі малюнак робіцца на сцяне будынку. Сёння гэтае мастацтва становіцца ўсё больш папулярным у краіне. Напрыклад, у Мінску ў рамках фестывалю "Vulica Brazil" гіганцкія муралы з'явіліся (і працягваюць з'яўляцца) на вуліцы Кастрычніцкай. Але ў Оршы да гэтага года не было аніводнай сцяны, над якой папрацавалі б мастакі.
Нарэшце і да Оршы дайшлі муралы: першы з'явіўся на будынку пажарнай часткі ў цэнтры горада. Зараз гэты стары будынак знаходзіцца на рэканструкцыі. МНС пакінула старыя сцены і захавала асноўныя архітэктурныя рысы, пры гэтым па новаму перарабіла ўнутраную частку будынка. У дадатак да рэканструкцыі на адной са сценаў пажаркі з'явілася карціна на якой выяўлена пажарная брыгада канца 19-га стагоддзя на аўтамабіле таго ж часу.
