Андрэй Аляхновіч, які жыве ў Крупках і вывучае гісторыю свайго краю больш за трыццаць гадоў збіраў вусныя сведчанні ад сталых людзей пра падзеі першай паловы дваццатага стагоддзя. Сярод іх патраплялася шмат сведчанняў і пра Сталінскія рэпрэсіі - яны пазней сталі асновай больш чым 500-старонкавага выдання "Хроніка палітычнага тэрору 1918-2008". Сваім багатым досведам ён на выходных прыехаў падзяліцца з аршанцамі. Але размова аказалася больш шырокая.
Аршанцы ўзгадалі, што некалькі гадоў па ініцыятыве памерлага Алеся Шутава арганізацыя "Звяз" звярталася да ўладаў з просьбай паставіць урочышча "Кабыцкая гара" пад ахову. Але тады выканкамаўцы адказалі, што для гэтага надта мала інфармацыі пра растрэлы. Адпаведна, каб дамагчыся аховы Кабылякоў і мемарыялізацыі іншых месцаў масавых пахаванняў ахвяраў рэпрэсіяў, актывісты плануюць сабраць больш інфармацыі. Найбольш каштоўны матэр'ял у такой рабоце - успаміны саміх людзей. Але пры гэтым, іншыя доказы тых злачынстваў актывісты таксама адкідаць не будуць: як высетлілася ў сёняшніх умовах актывісты маюць некалькі сур'ёзныз казыроў для актуалізацыі тэмы. Была прадэманстарвана ўдзельнікам і копія архіўнага дакуманта 1982 года пра абследванне Кабыляцкай гары, дзе кампетэнтнай камісіяй даецца адназначная ацэнка: растрэлы зрабілі супрацоўнікі НКУС.
Нагадаем, калі вам таксама ёсць, што распавесці пра Сталінскія рэпрэсіі, то вы можаце напісаць свае кантакты і каротка апісаць гісторыю якую гатовыя распавесці на адрас нашага сайта: orsha.eu@gmail.com. Валанцёры звяжуцца з вамі і дамовяцца на запіс у зручны для вас час.
