Пра тое што ў дом дзе знаходзіўся новы мэр Оршы ўварваліся сілавікі стала вядома з вуснаў прэзідэнта. У эфіры тэлебачання ён загадаў следчаму камітэту разабрацца з гэтым інцыдэнтам, не асабліва ўдаючыся ў падрабязнасці. Пазней журналісты даведаліся афіцыйную версію таго што адбылося: Леанід Пянькоўскі кепска сябе адчуваў і не выходзіў на сувязь. Яго пачалі шукаць і знайшлі дома ў нейкіх знаёмых да якіх, па словах прэзідэнта, і ўварваліся сілавікі. Пры гэтым, з якіх канкрэтна сілавых структураў былі гэтыя людзі таксама раней не паведамлялася.
У размове журналістаў газеты "Наша Ніва" з міністрам унутраных спраў Ігарам Шуневічам, той крыху яшчэ прыадкрыў заслону таямніцы над гэтай гісторыяй, пацвердзіўшы, што ў той самы дом, дзе быў Пянькоўскі ўварваліся супраўнікі яго ведамства - міліцыянты.
