Рэспубліканская Спартакіяда па шорт-трэку сярод дзіцяча-юнацкіх спартовых школаў адбудзецца 4 і 5 сакавіка ў аршанскай Лядовай арэне. 4 сакавіка спаборніцтвы пройдуць з 14:00 па 19:00. На наступны дзень, 5-га сакавіка, гонкі будуць праходзіць з 11:30 да 15:30. Уваход на спаборніцтвы вольны.
Шорт-трэк — адносна новая дысцыпліна зімовых відаў спорту. Від канькабежнага спорту, фактычна, гонкі ўнутры хакейнай каробкі, даўжыня гоначнага авалу складае 111,12 м. У алімпійскую праграму шорт-трэк быў уключаны ў 1992 годзе ў Альбервіле.
