Пра гэта паведамляе газета аблвыканкаму "Віцебскія Весці" са спасылкай на словы Сяргея Завалава - намесніка начальніка камітэта прыродных рэсурсаў вобласці. Праэкт атрымаўся супольным - у ім былі задзейнічаныя некалькі арганізацыяў. Так, распрацоўвалі зарадныя станцыі ААТ "Віцязь". А "Віцебскаблнафтапрадукт" распрацаваў праэкт устаноўкі станцыі на сваёй АЗС на скрыжаванні трасаў Е95 і М1 (Брэст - Масква і Адэса - Санкт-Пецярбург).
Для абкаткі абсталявання, першая зарадная станцыя будзе ўсталяваная ў гэтым месяцы ў Віцебску і калі пытанняў па яе эксплуатацыі не будзе, то падзарадзіць свой электрамабіль можна будзе і ў Аршанскім раёне.
Электрамабілі і гібрыдныя аўтамабілі хутка набіраюць папулярнасць у свеце. За перыяд з 2005 па 2015 год колькасць іх продажаў павялічылася ў 15 разоў і працягвае расці ў геаметрычнай прагрэсіі. Але ў Беларусі не дастаткова зарадных прыстасаванняў для электрамабіляў, што тармазіць і пераход ад нафты да электрычнасці ўнутры краіны і прыезд турыстаў на экалагічных аўтамабілях у краіну.
