Грамадская ініцыятыва "Хрюши против" працягвае актыўна дзейнічаць у гарадах Беларусі, у прыватнасці, у Оршы. На гэты раз "хрушы" адправіліся на вуліцу Гомельскую, дзе на скрыжаванні стаіць буйная крама MartInn. На пачатку відэазапісу, зробленага падчас рэйду 5-га лютага, валанцёр кампаніі Юлія Малышава патлумачыла, чым выкліканы інтарэс "хрушаў" менавіта да MartInn-а. На краму актывістам паступала шмат скаргаў ад жыхароў Оршы.
У выніку ў MartInn валанцёрамі кампаніі сапраўды было знойдзена шмат пратэрмінаванай прадукцыі, у тым ліку дзіцячыя ёгурты, пельмені, салямі, шакаладныя батончыкі і шмат іншых прадуктаў. Таксама на прылаўках прысутнічалі і прапаноўваліся пакупнікам счарнелыя бананы. У выніку няякаснай прадукцыі, якую ніяк нельга было выстаўляць на продаж і даўно варта было ўтылізаваць, набралася на тры вазкі. Работніцы MartInn утылізавалі сапсутую садавіну, кефір, іншыя тавары, якія, на шчасце, не купілі па сваёй памылцы пакупнікі. У краме абышлося без скандалаў, акрамя таго, работнікі паабяцалі больш уважліва сачыць за тым, што выстаўляецца ў іх на вітрынах і правяраць тэрміны прыдатнасці прадуктаў.
