Рэжысёр расейскага блокбастэра "Вікінгі", які ўжо на дадзены момант паспеў нашумець, Андрэй Краўчук пачаў працу над фільмам сем гадоў таму. Безумоўна, апрануць актораў, якія іграюць герояў мінулага часу, даволі складана. Адзенне на манер таго, што насілі ў Х стагоддзі, для фільма пашылі ў Оршы. Спецыялісты на фабрыцы ў нашым горадзе. Усе кашулі і іншыя элементы адзення для кіно вырабленыя менавіта ў Оршы. Стваральнікі блокбастэра адзначылі, што ўвесь лён таксама закупляўся менавіта ў Беларусі. Гэта ў інтэрв'ю "СБ" пацвердзіла мастак фільма Кацярына Шапкайц.
За першыя дзевяць дзён у расейскім і беларускім пракаце "Вікінгі" сабралі ўжо болей за мільярд расейскіх рублёў. Такога ў гісторыі расейскага кіно раней не было. Цікава, што падрыхтоўчы перыяд трываў некалькі гадоў, а самі здымкі "Вікінгаў" ішлі ўсяго паўгады - з сакавіка па жнівень 2015 года. У фільме здымаліся знаныя расейскія акторы Святлана Хадчанкова і Даніла Казлоўскі, а ролю полацкай князёўны Рагнеды сыграла 22-гадовая беларуска Аляксандра Борціч са Светлагорска.
