Лета было надзвычай напружаным для міліцыі - расследваць крадзяжы ровараў было неабходна штотыдзень. Але не супакоіліся роварныя злодзеі і пасля таго, як у Оршы выпаў снег. 29-га лістапада ў 14:30 у міліцыю звярнулася жанчына, якая працуе сацыяльным работнікам. Яна паведаміла, што яшчэ 24 лістапада ад дома № 3 па вуліцы Гогаля ў Оршы невядомы злачынца скраў ровар "Стэлс" 2015 года выпуску.
Матэрыяльная шкода склала 150 рублёў. Узбуджана крымінальная справа па частцы 1 артыкула 205 Крымінальнага кодэксу Рэспублікі Беларусь. Злачынцу шукаюць.
