Хаця роварны сезон падыходзіць да свайго лагічнага завяршэння, злачынцы на гэта не звяртаюць увагі і працягваюць прысабечваць двухколавы транспарт.
Першы крадзёж адбыўся вечарам 15 кастрычніка ў вёсцы Вусце. З 18 да 20 гадзіны невядомы залез у незачынены падвал мясцовай рабочай і забраў з сабой ровар "Аіст" гэтага года выпуска. Міліцыя ацаніла ровар у 220 рублёў.
У другім выпадку - на наступную раніцу - жыхар Аршанскага раёна заўважыў, што знік, пакінуты вечарам без нагляду, ровар "Стэлс". Разам з роварам былі скрадзены набор ключоў, шліфавальная машынка, відэарэгістратар. Усё скрадзенае ацэненае ў 890 рублёў.
У абовух выпадках злачынцы не знойдзены.
Паводле зводак УУС
