Помнік у вёсцы Пагосцішча Лёзненскага раёну з'явіўся па ініцыятыве мясцовай настаўніцы Алены Грачышнікавай у 2006 годзе. Але апякуюцца ім пераважна аршанцы і не здарма, бо помнік пастаўлены ў гонар апошняга боя паўстанцаў Каліноўскага менавіта Аршанскага атраду. Той бой адбыўся 26 красавіка 1863 года. Ужо трэці год аршанцы прыязжаюць сюды 28 жніўня - у дзень растрэлу камандзіра атраду Ігната Будзіловіча.
На гэты раз прыехалі не толькі аршанцы, з Лёзна прыехалі людзі, якія ставілі помнік, а з Віцебску прыехалі кандыдаты ў дэпутаты парламента Аляксей Гаўруцікаў, які балатуецца па Сененскай акрузе, і Хрыстафор Жаляпаў, які балатуецца па адной з віцебскіх акругаў.
На фота: кандыдат у дэпутаты Аляксей Гаўруцікаў
