Індывідуальныя прадпрымальнікі Алесь Макаеў і Алесь Абрамовіч у сярэдзіне чэрвеня наведалі Оршу, каб сустрэцца з мясцовымі прадпрымальнікамі. Грамадскі актывіст Алесь Макаеў і Алесь Абрамовіч выступілі перад аршанскімі калегамі і збіралі подпісы за адмену шэрагу ўказаў Лукашэнкі, якія тычацца прадпрымальніцкай дзейнасці. На сустрэчу прыйшло толькі некалькі ІП, а пасля абодва выступоўцы былі затрыманы на рынку міліцыяй. Макаева абвінавацілі ў крадзяжы сумкі. Як высветлілася ў пастарунку, гэта была сумка самога прадпрымальніка, а выкраў яе, па словах Макаева, не просты чалавек, а начальнік аддзела аховы правапарадку, сам міліцыянт.
На прадпрымальнікаў склалі пратаколы і адпусцілі. 29-га ліпеня ў Гарадскім судзе Оршы (вул.Савецкая, 5) адбудзецца пасяджэнне па прадпрымальніках. Суд пачнецца а 10:00.
