Аўтамабіль цалкам “разулі” за ноч. "Peugeot 306" застаўся без колаў у ноч на 19-га ліпеня. Машына належыць рабочаму завода “Чырвоны барацьбіт”, уладальнік паставіў яе на ноч каля свайго дома, як і рабіў звычайна. Узбуджана крымінальная справа па частцы 1 артыкулу 205 Крымінальнага кодэкса Рэспублікі Беларусь. Аўтамабілісту прычынена шкода ў 300 рублёў.
Крадзяжы колаў сталі неверагодна распаўсюджанай з’явай у Оршы. Некаторых крымінальнікаў ужо лавілі на такіх злачынствах. Але падобна на тое, што такое “рамяство” да душы адразу некалькім групоўкам злодзеяў. Асаблівы ўсплёск назіраўся ўвосень 2015 года, у 2016-м “паляўнічыя за коламі” таксама нагадваюць пра сябе. У красавіку злачынцы “разулі” аўтамабіль “Пежо”, цяпер аўтамабіль той жа маркі застаўся без колаў у ліпені.
