Вельмі адметны крадзеж адбыўся ў Оршы. Мужчына скраў чужы ровар і, каб не трапіцца ў рукі міліцыі, перафарбаваў яго. Аднак новы колер усё роўна не дазволіў схаваць факт крадзяжу. Чаму? Бо злодзей прапанаваў купіць яго...самому гаспадару, ахвяры свайго злачынства. Злодзей прыйшоў на пляж і прапанаваў ровар аднаму з тых, хто там адпачываў. Гэта і аказаўся гаспадар ровара, які нават у новай афарбоўцы пазнаў свой транспарт.
Сказаўшы, што яму трэба зайсці за грашыма, мужчына звярнуўся ў міліцыю, і няўдачлівы роварны злодзей быў арыштаваны. Вядзецца следства і праверка злачынцы на іншыя падобныя крадзяжы.
