Сайт orsha.eu пісаў пра непрыгожую сітуацыю, якая здарылася на аўтобусным прыпынку "Парк Герояў". Там размясцілі рэкламу стаматалагічных паслуг, але так, што ў выніку плакат "Любімы сэрцу горад" з фотаздымкамі славутасцяў Оршы і вялікай выявай помніка Канстанціну Заслонаву, якія знаходзіліся на адваротным баку, апынуліся дагары нагамі. Прыкрую памылку выпраўляць не сталі, а проста прыбралі шчыт. Цяпер на месцы рэкламы проста пластыкавы экран.
Нагадаем, што раней аўтобусныя прыпынкі ў Оршы агароджваліся шклом, аднак пасля шэрагу актаў вандалізму, калі п'яныя ці нявыхаваныя грамадзяне разбівалі шкло на рэкламных шчытах і на прыпынках, у тым ліку і тут, на вуліцы Леніна, было прынята рашэнне афармляць іх з дапамогай металу альбо пластыку.
