Менавіта гэтая група моладзі пасля сыходу першага снегу прыбірала смецце ў лесапарку паміж 1-ым і 2-ім мікрараёнамі. Хлопцы не паказваюць свае твары і таму назвалі сябе Ананімнай экалагічнай ініцыятывай. Пакуль што ў гэтую групу ўваходзіць не шмат людзей, але раз за разам АЭІ збіраюцца на прыборкі смецця. Чарговы раз група сабралася для прыборкі берага Дняпра ў раёне льнокамбіната. Некалькі чалавек за кароткі час сабралі 10 мяхоў смецця.


