Зараз не так і шмат людзей ведае, што за фотаздымак вісіць на Аршанскім вакзале каля дзвярэй міліцэскага пастарунка. На днях споўнілася 20 год з тых падзей пасля каторых тут з'явілася шыльда з фота.
14 сакавіка 1996 года міліцыянты заўважылі на вакзале падазроных асобаў - двое мужчынаў каўказскай знешнасці круціліся каля камер захоўвання. Для праверкі дадзеных, міліцыянты завялі мужчынаў у памяшканне пастарунка, дзе ў гэты момант было пастраенне ўсяго асабовага складу. Пабачыўшы вялікую колькасць міліцыянтаў, у аднаго з затрыманых здалі нервы, ён дастаў пісталет і пачаў страляць у супрацоўнікаў міліцыі, другі кінуў у цэнтар пастарунку гранату. Старшы інспектар Міхаіл Дзям'янаў, каб выратаваць калегаў, сам кінуўся на гранату, прыняўшы асноўны ўдар выбуху на сябе.
Дзяржаўная інфармацыйная агенцыя БелТА з нагоды дваццацігоддзя тых падзеяў ўзяла інтэрв'ю ў дачкі Міхаіла Дзям'янава, якая сёння служыць інспектарам па справах непаўнагадовых, сын міліцыянта-героя ўзначальвае Наваполацкі аддзел следчага камітэту. Прачытаць інтэрв'ю можна тут.
