Здарэнне адбылося ў Дубровенскім раёне 18 лютага ў 21-00. Невядомыя пенсіянерцы мужчына і жанчына ўзламалі дзверы ў яе дом і з прымяненнем гвалту вынеслі з яе дома спіртныя напоі. На гэтым крымінальная парачка была задаволеная і з нарабаваным сыйшла. Міліцыя знайшла злачынцаў. Жанчына аказалася жыхаркай той жа вёскі - Дабрынь, якая раней ужо была асуджана за забойства. А мужчына - жыхар Камянца, які таксама быў раней судзімы, але за крадзёж.
Хаця злачынцы не так шмат і скралі, беларускай судовай сістэмай такое злачынства ўспрымаецца як цяжкае. Праўда, жанчына можа атрымаць адносна невялікі тэрмін, бо на момант злачынства яна знаходзілася ў дэкрэтным адпачынку.
