Андрэй Ляховіч - кіраўнік Цэнтра палітычнай адукацыі, палітолаг, аналітык, аўтар шматлікіх публікацыяў па пытаннях эвалюцыі палітычнай сістэмы, выбарчых кампаній і фарміравання палітычных эліт.
У 2011 годзе Андрэй атрымаў польскую прэмію імя Льва Сапегі, якая ўручаецца пад патранатам Прэзідэнта Польшчы. Мэта прэміі - адзначыць грамадзян Беларусі, якія ўнеслі важкі ўклад у фарміраванне і развіццё грамадзянскай супольнасці ў краіне, а таксама прымаюць актыўны ўдзел у фарміраванні незалежнай і дэмакратычнай Беларусі. Ініцыятарамі прэміі, заснаванай ў 2006 годзе, сталі Усходняе аддзяленне Універсітэта Варшаўскага і Калегія Усходняй Еўропы ва Ўроцлаве. Ідэю падтрымалі Варшаўскі, Ягелонскі, Познанскі і Вроцлаўскі універсітэты, а таксама Універсітэт у Беластоку.
У Оршу Андрэй Ляховіч прыедзе, каб распавесці сваё бачанне сучаснай палітычнай сітуацыі ў краіне і перспектывы - што ж нас чакае ў бліжэйшым будучым.
Сустрэча з палітолагам і аналітыкам адбудзецца 12-га лютага а 18-00 па адрасе Чырвонаармейская, д. 13. Уваход вольны, запрашаюцца ўсе ахвотныя.
