Па словах падпісаўшыхся пад лістом жыхароў вуліцы, Беларускую - якая знаходзіцца ў трох хвілінах хадзьбы ад выканкаму - павінны былі заасфальтаваць яшчэ да Дажынак 2008 года. Але тады асфальт быў пакладзены толькі ў невялікай яе частцы. У гэтым годзе асфальт быў пакладзены на суседніх вуліцах Нікандравай і Розы Люксембург. А пра Беларускую зноў забыліся. У сваім лісце жыхары задаюцца пытаннем: "Чым жа правінілася вуліца Беларускай?", калі пра яе пастаянна забываюць.
Жыхары вуліцы Беларуская просяць выканкамаўцаў добраўпарадкаваць вуліцу, хаця б, пакласці на ёй асфальт.
