Гайд, размешчаны на сайце 34mag.net, утрымлівае ў сабе інфармацыю пра транспарт, пражыванне, харчаванне, славутасці Оршы. І іншыя цікавосткі аб нашым горадзе.
Напрыклад, гаворыцца: Кожны, хто хоць раз ездзіў у Віцебск ці Маскву, праязджаў Оршу – горад з'яўляецца адным з буйных транспартных вузлоў Беларусі. «Усходнія вароты», як кажуць. Статус статусам, але гораду ёсць яшчэ чым пахваліцца. Першы друкаваны «Буквар» Спірыдона Собаля, страчаныя падземныя пераходы пад Дняпром, Аршанскае Евангелле, першы залп артылерыі «кацюшы» падчас Вялікай Айчыннай і слаўная бітва пад Воршай – гэта ўсё здабыткі гісторыі. Сапраўднае жыццё адбываецца цяпер.
А вось радкі пра грамадскі транспарт Оршы: У Оршы функцыю грамадскага транспарту выконваюць маршрутныя таксі. Жоўтыя «газікі» і белыя «пазікі» практычна цалкам выцеснілі аўтобусы (тралейбусы тут хацелі запусціць у канцы 80-х, але неяк не зраслося). Прыпынкі, вядома, не аб’яўляюць, так што будзь напагатове.
Цалкам гайд можна ўбачыць на сайце 34mag.net.
