Спачатку канцэрт у Гарадскім цэнтры культуры планавалася правесці 16-га кастрычніка, аднак затым выступ быў перанесены на канец месяца, на 30-е чысло. Пачатак а 18:00.
"Пані Хіда" - адзін з найвядомейшых гуртоў Оршы. Пэўны час называўся "Cola-Manola". Гурт утвораны ў 1990 г. Актыўна гастраляваў, удзельнічаў у фестывалях "Пикейные жилеты" Адэса (1999 г), "Синий перец-4" Менск (1997 г), "Спидобойки ЮНИСЕФ ООН Беларусь" (1998-2001), "Славянскі базар" (1996-2000). Гулялі ў адных праграмах з "Кароль і Шут", "Акіян Эльзы", Найк Барзоў, Дэльфін, "Бабры", Сі Сі Кетч, "Бэд Бойз Блю", "Соултанс", Малікавым, Кіркоравым, "На-на", Бабкінай , Ратару. Лепшы альбом 1993 ("Добровольцы IRA"), Лаўрэаты менскага рок-фэсту 1992, фэста "Аршанскі сэйшн 94", "Рок-карона песня году" ("Таниц", 1997 г), кліп года ("Слёзы на соснах ", 1997 г). Лаўрэат конкурсу "Зорная ростань". Лепшы кліп года па версіі кампаніі "Свой круг" - "Слёзы на соснах" (1997 г.). Удзел у "Праграме А". Гастралявалі ад Масквы да Адэсы.
