Сетка крамаў Mart Inn перажывае не лепшыя часы. На ўладальнікаў Гінтараса Марцінкявічуса, Эгле Марцінкявічутэ і Міндаўгаса Марцінкявічуса падалі ў суд. Справа ў тым, што яны - мінарытарныя ўладальнікі VP gpupe, якой належаць магазіны Maxima. Maxima grupė і Franmax падалі позыў у суд на тое, што троіца прысабечыла інтэлектуальную ўласнасць кампаніі і стварыла Mart Inn.
Што вырашыць суд і калі адбудуцца слуханні, пакуль невядома. 25-га чэрвеня ў Оршы адкрылася 28-я ў Беларусі крама Mart Inn Food, яна знаходзіцца на вуліцы Магілёўскай. Унікальнасць і цікавасць крамы ў тым, што афармленне ў ёй ідзе на беларускай мове. Не дабраліся толькі да цэннікаў, прадукты падпісаныя яшчэ па-расейску, а вось усё іншае - на беларускай мове. Літоўскія ўладальнікі гандлёвай сеткі зрабілі рашучы крок у бок беларушчыны, чаго амаль не робяць прадпрымальнікі-беларусы.
