Суд адбыўся ў Аршанскім раёне. Прадавачка адной з крамаў раённага спажывецкага таварыства з 10 студзеня па 20 чэрвеня растраціла ў сваіх асабістых мэтах каля 100 мільёнаў рублёў. Жанчына ўносіла ў дакументацыю інфармацыю пра рэшту тавару, які насамрэч ужо быў прададзены.
Суд Аршанскага раёна і горада Оршы асудзіў прадавачку сельскай крамы па артыкулах "прысабечванне альбо растрата" і "службовы падлог". Жанчына асуджаная на 2 гады пазбаўлення волі з адбываннем пакарання ў папраўчай калоніі агульнага рэжыму, з канфіскацыяй маёмасці і пазбаўленнем займацца падобнай дзейнасцю на 4 гады. Матэрыяльная шкода не пакрытая.
