Хаця прэтэндэнтка на статус кандыдата ў прэзідэнты ўжо сабрала патрэбныя 100.000 подпісаў, збор аўтографаў выбаршчыкаў працягваецца, каб стварыць запас і даць магчымасць выбаршчыкам лепш пазнаёміцца з будучай кандыдаткай.
Зараз ініцыятыўная група Караткевіч больш збірае подпісы праз правядзенне пікетаў. Такі пікет з удзелам самой кандыдаткі прайшоў 17 жніўня і ў Оршы. Упершыню за апошнія 5 год на масавым мерапрыемстве ў нашым горадзе быў узняты бел-чырвона-белы сцяг. Пікет сабраў шмат людзей - некалькі разоў каля зборшчыкаў подпісаў утваралася чарга з ахвотных падпісацца. Сама кандыдатка прыехала ў Оршу са спазненнем - у гэты дзень да нашага гораду яна паспела пабываць у Магілёве, Шклове, а па дарозе са Шклова машыну на якой яна ехала на некаторы час затрымала ДАІ.
