Зводка Міністэрства ўнутраных спраў паведамляе пра знаходкі часоў вайны. За мінулы тыдзень на Аршаншчыне двойчы знаходзілі боепрыпасы.
Вечарам 13 жніўня пад час земляных работаў у Оршы былі знойдзены 124 артылерыйскіх снарады і 109 узрывацелей да іх. Гэта, магчыма, самая буйная знаходка боепрыпасаў за апошнія некалькі гадоў.
Другая знаходка была выяўлена каля вёскі Дзем'янкава Дубровенскага раёну. Тут пры земляных работах знойдзена 14 мінамётных мінаў і 3 гранаты. У абодвух выпадках гэта была зброя часоў Другой Сусветнай вайны. Усе знаходкі абясшкоджаны сапёрамі.
