У сувязі з попытам на перамяшчэнне пасажыраў унутры Беларусі, асабліва па выхадных днях, з 3 красавіка 2015 г. прызначаецца цягнік міжрэгіянальных ліній эканом-класа №680 / 679 Берасце - Віцебск - Берасце.
Яго адпраўленне з Берасця па пятніцах, суботах і нядзелях у 14.05, а прыбыццё ў Віцебск па пятніцах, суботах і нядзелях у 23.01.
Адпраўленне з Віцебска па пятніцах, суботах і нядзелях у 23.28, а прыбыццё ў Берасце па суботах, нядзелях і панядзелках у 08.28.
Прыпынкі ў шляху: Жабінка, Аранчыцы, Бяроза-Горад, Івацэвічы, Баранавічы-Цэнтральныя, Менск-Пасажырскі, Барысаў, Орша-Цэнтральная.
Як паведамляе Беларуская чыгунка, кошт квітка з Берасця да Віцебска ў купэйным вагоне складае 125 900 беларускіх рублёў, у плацкартным вагоне - 91 200 беларускіх рублёў.
