17 лістапада наш сайт апублікаваў матэрыял журналіста Мікалая Петрушэнкі аб перастрэлцы ў Коханава. Як высветлілася, афіцыйная трактоўка падзей Следчым Камітэтам даволі моцна адрозніваецца ад меркавання журналіста Петрушэнки. Для аб'ектыўнага асвятлення сітуацыі прапануем гэтую версію чытачам.

15 лістапада ў Аршанскім раёне разыгралася сапраўдная дэтэктыўная гісторыя. "Volkswagen Transporter Т4", не рэагуючы на пададзены жазлом сігнал спыніцца, працягнуў рух. Кіроўца хуткасць не скідаў. Супрацоўнікі ДАІ адправіліся ў пагоню за падазронай машынай. Нават уключаная сірэна не асцюдзіла запалу кіроўцы іншамаркі, які ігнараваў правілы дарожнага руху і пераязджаў чыгуначнае палатно нягледзячы на сігнал забароны, выязджаў на сустрэчную паласу.

Гучнамовец таксама не спыніў уцекача, таму спачатку было зроблена некалькі стрэлаў дзеля папярэджання, а затым непасрэдна па машыне. Як паведамляюць у ДАІ, у прымяненні табельнай зброі ўзнікла неабходнасць, бо падобныя паводзіны кіроўцы "Volkswagen Transporter Т4" маглі прывесці да сур'ёзнага ДТЗ з пагрозай жыццю людзей. У выніку кіроўца быў паранены, машына спынена.

Высветлілася, што збягаць ад ДАІ мужчына пачаў з-за незарэгістраванага тавару ў сваім аўтамабілі - там знаходзіліся 39 вадкакрышталічных тэлевізараў, ніякіх дакументаў на іх ня мелася.