На паседжанні, якое прайшло ў аршанскім Доме культуры чыгуначнікаў 5 лютага, абмяркоўвалася шмат пытаняў. Найбольш рэзананснае пытанне якое было агучана намеснікам міністра эканомікі Дзмітрыем Крутым, тычыцца падвышэння коштаў на праезд.
Паведле чыноўніка, у гэтым годзе кошты на праезд па ўсёй краіне значна вырастуць. Так, за год кошт на праезд чыгуначным транспартам унутры краіны вырасце на 70%. Першы этап павелічэння пройдзе ў красавіку, тады праезд на электрычках падаражэе на 30-35% і на такі ж працэнт кошт узрасце ў ліпені. Гарадскі аўтамабільны транспарт за гэты год падаражэе меньш - на 14-16%. Прыгарадныя аўтобусы стануць даражэй на 10-15%. Падаражанне аўтатранспарту чакаецца ў красавіку.
