Сустрэча пачалася нечакана. Госць прапанаваў прысутным назваць самую важную на сёння палітычную праблему для Беларусі. Меркаванні ўдзельнікаў падзяліліся. Адны назвалі карупцыю, іншыя адсутнасць адзінага кандыдата ад апазіцыі на прэзідэнцкіх выбарах, трэція - пагаршэнне эканамічных паказчыкаў.
Аднак мінскі палітолаг з гэтымі ідэямі не пагадзіўся. На думку Андрэя Ягорава самая галоўная палітычная праблема сённяшняга дня - пытанне захавання беларускай нацыянальнай дзяржавы ва ўмовах, калі вакол гучаць галасы аб так званым "рускім свеце" і ідзе вайна на Данбасе. Пра тое, што трэба зараз рабіць для захавання Беларусі і ішла размова на сустрэчы.
У канцы мерапрыемствы аршанская публіка аддзячыла госця апладысментамі.
